Qobustan rayon Göydərə kəndində RİH başçısı cənab Adil Məmmədov kənd sakinləri ilə görüş keçirdi.

      Qobustan rayon Göydərə kəndində RİH başçısı cənab Adil Məmmədov kənd sakinləri ilə görüş keçirdi. Görüşdə ilk öncə Göydərə kənd üzrə nümayəndə Mahmudov Məzahir hesabat verərək  il ərzində kənddə görülən işlər barədə danişdı. Göydərə kəndinin ümumi ərazisi 3943 hektar, əhalisi isə 610 nəfərdir. Kəndin əkinə yararlı sahəsi 840 hektardır. Kənddə 61 təsərrüfat 51 yaşayış evi var. O, kənddə hal-hazırda yaşayan ailələr haqqında məlumat verdikdən sonra qeyd etdi ki, əhalinin əsas məşğuliyyəti əkinçilik və heyvandarlıqdır.
      Sonra kənd əhalisindən Əşrəfov Ağakərim Mürşüd oğlu, Rəfiyev Allahqulu Qulu oğlu, Hümmətov Zamin Şahnazar oğlu və başqa vətəndaşlar çıxış edərək rayonumuzda aparılan quruculuq-abadlıq işlərinə görə cənab Prezidentimizə kənd sakinləri adından öz təşəkkürlərini bildirdi. Kənd əhalisinin rahatlığı üçün kənd yoluna asfalt örtüyü verilməsini, kəndin yaxınlığındakı suyun evlərə çəkilməsini və işıq dirəklərinin əsaslı təmir olunmasını xahiş etdilər.
      Sonda Qobustan RİH başçısı cənab Adil Məmmədov Göydərə kəndinin problemləri ilə yaxından tanış olduğunu bildirdi, qeyd etdi ki, Göydərə kəndi Qobustan rayonunda suyun olmamasından ən əziyyət çəkən kəndlərdən bir idi. Biz böyük çətinliklərlə suyun kəndə gəlişini təmin edə bilmişik və hər bir evin su ilə təmin olunması ilə əlaqədar Azərsu qarşısında məsələ qaldırmışıq. Onlar bizə növbəti illərdə bu məsələnin həllini tapacağını bildiriblər. Yol ilə bağlı onu qeyd etdi ki, bir neçə ildir 6 yaşayış məntəqəsini birləşdirən Qobustan - Poladlı yolunun çəkilməsinə artıq nail olmuşuq. Qobustan-Ərəbqədim-Göydərə yolunun Dövlət proqramında 2019-ci ildə çəkilməsi nəzərdə tutulub. Kənddə kənd təsərrüfatına xüsusi yer verildiyini və bütün əkinlərin aqrotexniki qaydalara əməl olunaraq əkilməsinin və ziyanvericilərə qarşı aparılan mübarizənin  vacib olduğunu qeyd etdi. Sonra qeyd etdi ki, rayonumuza göstərilən bu qayğıya görə cənab prezidentimiz İlham Əliyevə öz təşəkkürümüzü bildiririk.

  Vətəndaşlara bildirlidi ki, göstərilən məsələlər də tez bir zamanda öz həllini tapacaq.