Şanlı aprel döyüşlərində Qobustan rayon Poladlı kənd sakini mayor Bağıyev Mirdaməd Səristan oğlu da iştirak etmişdir.

2016-cı il aprelin 1-dən 2-nə keçən gecədən başlayaraq Azərbaycan və Ermənistan silahlı qüvvələri arasında baş vermiş hərbi münaqişə.

   Dördgünlük müharibə zamanı, Azərbaycan Silahlı Qüvvələrinin birləşmələri Goranboy rayonuna və Naftalan şəhərinə təhlükə yarada biləcək Talış kəndi ətrafındakı yüksəklikləri, eləcə də Seysulan məntəqəsini azad edib, Füzuli rayonu istiqamətində yerləşən "Lələ təpə" adlandırılan yüksəkliyə nəzarəti ələ keçiriblər. Döyüşlər nəticəsində, Azərbaycan Silahlı Qüvvələri Ağdərə-Madagiz istiqamətində yolların nəzarətdə saxlanılmasını təmin etdi.
    Hərbi əməliyyatlar zamanı Azərbaycan Silahlı Qüvvələrinin 88 hərbi qulluqçusu həlak olub, 1 Mi-24 helikopteri vurulub və 1 tank mina partlayışı zamanı sıradan çıxıb. Döyüşlərdə ermənilərə məxsus 30 tank, 15-dək artilleriya qurğusu və möhkəmləndirilmiş mühəndis qurğuları məhv edilib, 320 döyüşçüsü öldürülüb və 500-dən artıq döyüşçüsü yaralanıb.
    Şanlı aprel döyüşlərində Qobustan rayon Poladlı kənd sakini mayor Bağıyev Mirdaməd Səristan oğlu da iştirak etmişdir. O, döyüşdə yaralanmasına baxmayaraq düşmənin 7 tank, 5 hərbi texnikasını məhv etmişdir. Döyüşdə göstərdiyi şücaətə görə Ali Baş komandan İlham Əliyev tərəfindən Vətənə xidmətlərə görə 3- cü dərəcəli medalı ilə təltif olunmuşdur.
    03.04.2019 –cu il tarixində Qobustan rayon İcra hakimiyyətinin qonağı olub. Rayon İcra hakimiyyəti başçısı tərəfindən fəxri fərmanla təltif edilmişdir.