Şəhid Mecdunov Xalidin Doğum Günü

Bu gün  torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş igidlərdən birinin, Mecdunov Xalid Zahir oğlunun doğum günüdür. Xalid Mecdunov Vətən müharibəsində MAHHXHQ Çavuş kimi şərəfli döyüş yolu keçmişdir. Müharibədə göstərdiyi rəşadətə görə o, “Vətən uğrunda”,və “Cəbrayılın azad olunmasına görə”, medalları ilə təltif olunmuşdur.
Şəhidin doğum günü ilə əlaqədar oxuduğu Mahir.Kərimov  adına Poladlı kənd tam orta məktəbinin bir qrup müəllim və şagirdləri onun abidəsi önünə getmiş və xatirəsini ehtiramla yad etmişlər.
Qobustan rayon İcra Hakimiyyəti Başçısı Aparatının üzvləri Xalid Mecdunovun doğum günündə şəhidin məzarını ziyarət etmiş, məzarı üzərinə gül dəstləri qoymuşdur.
Qobustan RİHBA-nın üzvləri ziyarətdə iştirak edən şəhid valideyinləri ilə söhbət etmiş, şəhidlərimizin əbədi ehtirama layiq olduğunu bildirmiş, Vətənimiz üçün gərəkli övlad böyütdükləri üçün onlara təşəkkür etmiş və şəhid ailələri, Vətən müharibəsi iştirakçıları  ilə bağlı dövlətin mühüm tədbirlər gördüyünü diqqətə çatdırmışdır.
Şəhid atası Zahir Mecdunov dövlət səviyyəsində şəhid ailələrinə göstərilən diqqət və qayğıdan razı qaldığını bildirmiş və ölkə Prezidenti, Ali Baş Komandan İlham Əliyevə minnətdarlığını ifadə etmişdir.