Mayın 23-ü axşam şimal və qərb rayonlarından başlayaraq 26-dək ölkə ərazisində hava şəraiti qeyri-sabit keçəcək
Bakıda və Abşeron yarımadasında
Mayın 21-i günün ikinci yarısından 23-ü səhərədək cənub-qərb küləyinin 15-18 m/s, arabir 20-23 m/s, 23-ü axşam, 24-də isə şimal-qərb küləyinin 15-20 m/s, arabir 23-25 m/s-dək güclənəcəyi gözlənilir.
Azərbaycanın rayonlarında
Mayın 21-i gündüz və 22-də cənub-qərb küləyinin arabir 15-20 m/s, 23-ü axşam, 24-də isə şimal-qərb küləyinin 15-20 m/s, ayrı-ayrı yerlərdə arabir 23-28 m/s-dək güclənəcəyi, 23-ü axşam şimal və qərb rayonlarından başlayaraq 26-sı səhərədək bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
Çaylarda sululuğun artacağı, Böyük və Kiçik Qafqazın bəzi dağ çaylarından qısamüddətli daşqın və sel keçəcəyi ehtimal olunur.
