09 Oktyabr 2026-cı il tarixdə Nardaran kəndində Vətən müharibəsi şəhidi Baxışov Cahangir Əmrah oğlunun anım günü tədbiri keçirilmişdir.

 09.10.2026-cı il tarixdə Nardaran kəndində Vətən müharibəsi şəhidi Baxışov Cahangir Əmrah oğlunun anım günü tədbiri keçirilmişdir.

 Tədbirdə Qobustan Rayon İcra Hakimiyyətinin başçısı, hüquq-mühafizə orqanlarının rəhbərləri, Qobustan RİHBA-nın əməkdaşları, şəhidin ailə üzvləri,şəhid ailələri və Nardaran  kənd sakinləri iştirak edirdilər. Tədbir zamanı şəhid Baxışov Cahangir Əmrah oğlunun  məzarı ziyarət olunmuş, üzərinə gül dəstələri qoyulmuşdur.

  Cahangir Baxışov 1 aprel 2001-ci ildə Qobustan rayonunun Nardaran  kəndində anadan olmuşdur. Orta təhsilini doğulduğu Nardaran kənd məktəbində almışdır.

  Cahangir Baxışov  2 aprel 2019-cu il  tarixindən  Azərbaycan Silahlı Qüvvələrində  müddətli həqiqi hərbi xidmətə başlamışıdr. 

   Azərbaycan Silahlı Qüvvələrinin müddətli həqiqi hərbi xidmət hərbi qulluqçusu olan Cahangir Baxışov  2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı xidmət etdiyi hərbi hissənin tərkibində döyüşlərə qatılmışdır.  Cahangir Baxışov  oktyabrın 9-da Xocavənd rayonu istiqamətində  döyüşlər zamanı şəhid olmuş, Qobustan rayonunun Nardaran kəndində dəfn olunmuşdur.

   Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin  müvafiq  Sərəncamlarına  əsasən Baxışov Cahangir  ölümündən sonra  "Vətən uğrunda" və   "Xocavəndin  azad olunmasına görə  medalları  ilə təltif edilmişdir.