Çuxanlı kənd sakinləri ilə görüş
01.12.2016-cı il tarixdə Qobustan rayon İcra hakimiyyətinin başçısı cənab Adil Məmmədovun Çuxanlı kənd sakinləri ilə görüşü keçirildi. Səyyar qəbulda RİH başçısının müavinləri, aparatın şöbə müdirləri, rayonun idarə-müəssisə və təşkilat rəhbərləri iştirak etdilər.
Təklə kənd inzibati ərazi dairəsinin nümayəndəsi Fazil Müslümov çıxış edərək, tədbir iştirakçılarını salamladıqdan sonra Çuxanlı kəndi haqqında məlumat verdi. Qeyd etdi ki , Çuxanlı kəndində statistik məlumata görə 947 nəfər əhali yaşayır.Kəndin ümumi sahəsi 641 ha , əkinə yararlı sahə isə 267 ha –dır. Əkinə yararlı sahələrin 106 ha-da buğda , 120 ha-da isə arpa əkilmişdir. Ümumiyyətlə əhali əkinçilik və heyvandarlıqla məşğuldur. Kənddə 323 baş qaramal , 495 baş davar və 1341 ev quşları saxlanılır. Kənddə 4 şəhid ailəsi, 1 Qarabağ müharibəsi əlili, 8 nəfər Qarabağ müharibəsi veteranı var.Təklə kənd bələdiyyəsinin sədri Teyfur Əmrahov çıxış edərək ziyanvericilərə qarşı aparılan mübarizədən danışdı. O , qeyd etdi ki, dövlətimiz tərəfindən təmənnasız verilən dərmanlar sakinlərə vaxtında çatdırıldığı üçün hal-hazırda əkin sahələrində həmin ziyanvericilər yox dərəcəsindədir.
Kənd ağsaqqalı Heybət Qurbanov söz alaraq Çuxanlı kəndinin ən müasir kənd nümunəsi olduğunu diqqətə çatdırdı. O, Qobustan RİH-nin başçısı cənab Adil Məmmədovun dəstəyi ilə xanəndə Elnarə Abdullayevanın kəndin bütün evlərinə su çəkdirməsini dövlət rəhbərimizin respublika sakinlərinə yaratdığı şəraitlə əlaqələndirdi. Heybət Qurbanov RİH-nin başçısı cənab Adil Məmmədovdan kəndarası yolların abadlaşmasına köməklik göstərməsini xahiş etdi.
Kənd sakinlərindən Abdullayev Asim və Maqsudov Şahin çıxış edərək kreditlərin verilməsində , Ələkbərov Mahir həyətyanı torpaq sahələrinin sənədləşməsində , Həşimov Eldəniz ən müasir tələblərə cavab verən və kəndin içərisindən keçən avtomobil yolunda yol nişanlarının qoyulmasında lazımi köməklik göstərilməsini xahiş etdilər.
Çuxanlı kənd tam orta məktəbinin direktoru Əmirağa Eyyubov qeyd etdi ki , bu gün səslənən “ Müasir Azərbaycan Heydər Əliyevin Şah əsəridir ” ifadəsi müasir dövrün reallığını əks etdirən danılmaz bir həqiqətdir. Ulu Öndərimizin bizə bəxş etdiyi Müstəqil Azərbaycanı göz bəbəyi kimi qoruyub saxlamaq , inkişaf etdirmək bütün azərbaycanlılar kimi təhsil sahəsində çalışan pedaqoji işçilərin də əsas vəzifələrindən biridir. Bu gün Çuxanlı kəndi mən deyərdim ki, dünyada ən müasir kəndlərdən biridir. Bütün bu uğurlara görə ölkə rəhbərimiz İlham Əliyev cənablarına ,Qobustan rayon İcra hakimiyyətinin başçısı cənab Adil Məmmədova bütün kənd əhalisi və ziyalılar adından minnətdarlığımızı bildirir və söz veririk ki, Müstəqil Respublikamızın günü-gündən çiçəklənməsi üçün var qüvvəmizlə çalışacağıq.
Qobustan rayon Polis Şöbəsini rəisi polis polkovnik-leytenentı Etibar Babayev çıxışında əsrin bəlası olan Narkomaniya və Dini radikalizm haqqında tədbir iştirakçılarına qarşıda duran vəzifələrdən danışdı.
Tədbirin sonunda Qobustan rayon İcra hakimiyyətinin başçısı cənab Adıl Məmmədov ətraflı çıxış etdi. Qaldırılan məsələlərə münasibət bildirən başçı yerindəcə aidiyyəti idarə, müəssisə rəhbərlərinə tapşırıqlar verərək sabahdan icrası ilə şəxsən maraqlanacağını bildirdi. RİH-nin başçısı kəndin potensial imkanlarından səmərəli istifadə edilməsini, əhali ilə tələb olunan səviyyədə sıx işlənməsini tapşırdı. Xüsusilə taxılçılığın inkişaf etdirilməsinin vacibliyindən, qarşıda duran vəzifələrdən,əkin sahələrinin vəziyyətindən, ziyanvericilərlə mübarizənin nece getməyindən danışdı.Cənab Adil Məmmədov qeyd etdi ki, gəlin çörəyimizi ziyanvericilərə verməyək,torpağımızın qədrini bilək. Bütün Çuxanlı əhalisi əl-ələ verib qarşıya qoyulan məsələlərin öhdəsindən gəlməlidir.
Başçı çıxışının sonunda qaz və işıq tariflərinə də toxundu. Belə ki, Dövlət Neft Şirkətinin məlumatına əsasən, əhali abonentlərinin 62%-nin illik istehlak həcmi 1500 kubmetrdən aşağıdır və diferensial tariflərin tətbiqi nəticəsində həmin abonentlərin, o cümlədən bu kateqoriyaya aid olan aztəminatlı ailələrin təbii qaz üzrə ödənişlərində artım olmayacaq..
"Azərişıq” ASC-nin məlumatına görə əhali abonentlərinin 72%-nin aylıq istehlak həcmi 250 kilovat-saatdan azdır. Bu baxımdan diferensial tariflərin tətbiqinin həmin abonentlərə, o cümlədən bu kateqoriyaya aid olan aztəminatlı ailələrə təsiri olmayacaq. Gəlin qaz və işığa qənaət edək.