Yeni Azərbaycan Partiyası Qobustan rayon təşkilatının növbəti Şura iclası keçirildi .

29.11.2017 tarixdə Yeni Azərbaycan Partiyası Qobustan   rayon təşkilatının  növbəti Şura iclası keçirildi . İclasda çıxış edən YAP Qobustan rayon təşkilatının sədri Füzuli Gülaliyev  bildirdi ki, YAP-nın 25 illiyi yüksək səviyyədə  qeyd  olunmuşdur. O qeyd etdi ki, Yeni Azərbaycan Partiyası  bu 25 il ərzində möhtəşəm bir tarix yaradıb.Bu 25 il ərzində xüsusilədə Ulu Öndər Heydər Əliyev hakimiyyətə qayıtdıqdan sonar Azərbaycanda baş verən bütün mütərəqqi ,müsbət dəyişikliklər ,inkişafı özündə əks etdirən  bütün faktlar, Azərbaycanın müstəqil dövlətinin qurulması və onun iqtisadi və sosial  cəhətdən inkişafı ,ölkəmizin simasının köklü surətdə  yenilənməsi, müasirləşməsi ,ölkəmizin dünya birliyində  mövqelərinin möhkəmlənməsi və saya biləcəyimiz bugünkü  həyatımızı,dövlətimizin gerçəkliklərini ,inkişafını əks etdirən  bütün müsbət , pozitiv cəhətlərin hər biri bir mənalı şəkildə  Yeni Azərbaycan Partiyasının  fəaliyyəti ilə əlaqədardır. Ulu Öndər Heydər Əliyevin  Azərbaycana rəhbərlik etdiyi  dövrdə  Onun titanik fəaliyyətilə ,2003-cü ildən sonar isə Yeni Azərbaycan Partiyasının sədri  Prezident İlham Əliyevin uğurlu fəaliyyətinin  nəticəsində bu irəliləyişlər əldə olunubdur. YAP Qobustan rayon təşkilatının sədri Füzuli Gülaliyev 25 noyabr  2017- ci il tarixində keçirilmiş  Yeni Azərbaycan Partiyasının rayon və şəhər təşkilatlarının ümumrespublika müşavirəsində  səslənən fikirlərə münasibətini bildirdi.Qeyd olundu ki, 2018- ci ildə  qarşıdan gələn Prezident seçkilərinə hazırlıqla əlaqədar bu gündən YAP Qobustan rayon təşkilatı öz işini  günün tələbləri səviyyəsində qurmalıdır.Gələn ilin yanvar ayından etibarən partiyanın bütün strukturları seçkiyə hazırlıqla bağlı səfərbər olunacaq. Bütün bunların əsasında rayon miqyasdında  yerli təşkilatlar tərəfindən görüləcək işlərlə bağlı tədbirlər planı hazırlanacaq.
Şura iclasında Şura üzvlərindən Elman Mikayılov, Zümrüd Şərifova, Qadir Əkbərov və digərləri çıxış edərək Yeni Azərbaycan Partiyasının 25 ildə uğurları və dünya siyasətində rolu haqqında geniş və ətraflı məlumat verdilər.