31 dekabr- Dünya Azərbaycanlılarının Həmrəylik Günü
25 dekabrdan başlayaraq Qobustan rayonundakı məktəblərdə, uşaq bağçalarında 31 dekabr- Dünya Azərbaycanlılarının Həmrəylik günü və Yeni il tədbirləri keçirilir. Belə tədbirlərdən biri də Gənclər Mərkəzində keçirilən təntənəli tədbir oldu.
Tədbirdə Qobustan rayon İcra hakimiyyətinin başçısı Adil Məmmədov, RİH başçısının müavinləri, aparatın şöbə müdirləri, aparatın işçiləri, rayonun idarə-müəssisə və təşkilat rəhbərləri, hüquq-mühafizə orqanlarının rəhbərləri, ümumtəhsil müəssisələrinin, uşaq bağçalarının kollektivləri və rayon əhalisi iştirak etdilər. Rayon İcra Hakimiyyəti başçısı Adil Məmmədov tədbirdə çıxış edərək ötən 2022-ci ildə rayonumuzda aparılan sosial-iqtisadi inkişafdan danışdı, qarşıdakı 2023-cü ildə görüləcək işlər barədə ətraflı məlumat verdi. Rayon İcra Hakimiyyəti başçısı Adil Məmmədov vurğuladı ki, bu inkişaf Respublikamızın Prezidenti cənab İlham Əliyevin rəhbərliyi və dəstəyi sayəsində bundan sonra da davam etdiriləcəkdir. Rayon İcra Hakimiyyəti başçısı Adil Məmmədov bütün qobustanlıları 31 dekabr- Dünya Azərbaycanlılarının Həmrəylik Günü və Yeni il bayramı münasibətilə təbrik edərək ən xoş arzularını bildirdi.
Rayonun tanınmış incəsənət xadimlərinin ifasında musiqilər,ifalar səsləndirildi.