“İnsan hüquqları və uşaq hüquqları” ilə bağlı tədbir
Qobustan Rayon İcra Hakimiyyəti, Rayon Polis Şöbəsi və Rayon Təhsil Şöbəsinin birgə təşkilatçılığı ilə Qobustan Rayon Gənclər Evində “İnsan hüquqları və uşaq hüquqları” ilə bağlı tədbir keçirilmişdir. Tədbirdə Qobustan Rayon İcra Hakimiyyəti başçısının müavini- Təranə Güləliyeva çıxış edərək şagirdlərə uşaq hüquqları və əsas azadlıqları, uşaq hüquqları sahəsində milli və beynəlxalq qanunvericilik barədə məlumat vermişdir. Qobustan Rayon Polis Yetkinlik Yaşına Çatmayanlarla profilaktiki işin təşkili qrupunun baş inspektoru Zöhrab Hüseynov çıxış edərək şagirdlərə zərərli vərdişlər və onların insan orqanizmi üçün mənfi təsirləri barədə məlumat vermişdir. Tədbirin sonunda şagirdlərlə zərərli vərdişlər,asudə vaxtın səmərəli keçirilməsi, uşaqların hüquqları və vəzifələri barədə diskussiya aparılmış ,şagirdlərin sualları cavablandırılmışdır.
